🥢旺角和牛沾麵🍜
-
旺角廣華街間唔中都會經過，但次次都會miss左依間拉麵店，可能因為鋪面比較小，位置相對比較隱秘🤭 直至有朋友推介🍔去試，先冇再錯過咁用心去整嘅沾麵。店內位置唔多，室外都有少少bar枱位，晚市可能需要排隊🚶🏽♂️
-
慢煮A4和牛•濃蝦湯沾麵 ($138) 和牛屬於薄切，生熟程度啱啱好，嫩口得黎都幾濃肉味😋 個蝦湯面頭落左好多小蝦乾🦐，蝦味十足，湯底濃稠，但偏鹹左啲，食到中間會有少少辛苦。
灸燒豚肉•濃厚雞白湯拉麵($86) 豚肉肥瘦適中，油脂味加埋火炙過嘅味道，令人流哂口水🤤 溏心蛋做得幾好，流心效果唔錯，醬油味到好夠！湯底呈奶白色，唔會油膩，幾清爽。
自家製和牛餃子($68) 冰餃最正嘅地方就係有脆脆嘅外皮🤩 餃子皮薄，入面嘅餡料牛味充足，有少少似鹹牛肉嘅味道，點埋個柚子醋，酸酸哋吊下味。
北海道流心芝士餅($28) 入面有滿滿嘅芝士，拉絲冇難道😍 即叫即炸，上枱熱辣辣，食哂成個都唔覺膩~
-
阿久根和牛拉麵屋 (旺角)
旺角廣華街13號廣輝大廈地下1號舖 @ 阿久根和牛拉麵屋
Search